Një aksident ndodhi këtë mbrëmje në Shijak, ku shoferi i një automjeti humbi kontrollin dhe ra në lumë.
Ngjarja ndodhi rreth orës 17:50, në lagjen “Prizreni”. Shtetasi me iniciale E.Sh., që drejtonte mjetin doli nga rruga, duke përfunduar në lumë. Nuk dihet shkaku se përse shoferi humbi kontrollin, ndërkohë që u dërgua në spital, ku ndodhet jashtë rrezikut për jetën.
Njoftimi i policisë:
Shijak/Informacion paraprak
Rreth orës 17:50, në lagjen “Prizëreni” Shijak, shtetasi E. Sh, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga dhe ka rënë në lumë. Shtetasi E. Sh, ndodhet nën kujdesin e mjekëve jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit.