Një aksident i rëndë ka ndodhur mëngjesin e sotëm në Itali, ku një 8-vjeçare ka ndërruar jetë.
Mësohet se ngjarja ka ndodhur në rrugën Domitiana në Campania, ku automjeti me 4 persona, prindërit dhe dy vajzat, është përmbysur.
Vajza e vogël e çiftit, vetëm 8 vjeç, ka ndërruar jetë si pasojë e përplasjes dhe faktit që nuk kishte vendosur rripin e sigurimit, ndërkohë që vajza tjetër 16-vjeç është në spital. Në spital ndodhet edhe nëna e vajzave, ndërsa babai ka shpëtuar me vetëm disa gërvishtje.
Mësohet se babai, i cili dhe drejtonte mjetin, nuk kishte patentë, teksa hetimet për ngjarjen e rëndë vijojnë.