Një ditë më parë në emisionin “Ftesë në 5” në Top Channel, u diskutua për xhelozinë.
Një studim ka dalë në përfundimin se janë pikërisht gratë ato që bëhen më shumë xheloze, e me këtë konkluzion ranë dakord edhe të ftuarit në studio.
Gjatë bisedës me Bieta Sulon, Artenisa Ozaj kujtoi edhe një skenë xhelozie ndaj partnerit të saj shumë vite më parë, kur sapo kishin nisur të dilnin bashkë.
Artenisa ka rrëfyer se si ka dalë nga shtëpia në orën 12 të natës, pasi mori një telefonatë dhe i thanë se ku ishte partneri i saj.
“Më kanë marrë në telefon dhe më thanë se ku ishte Olsi. I kam hipur makinës në 12 të natës, me pizhame veshur dhe kam shkuar. Shoqëria ime ishte atje dhe unë iu bashkova shoqërisë për t’i treguar Olsit që ‘jam dhe unë këtu’. Në klub nate shkova më pizhame dhe me shapka shtëpie”, kujtoi duke qeshur Artenisa.