Një ngjarje e rëndë ka ndodhur në kryeqytetin italian, Romë, ku një 17 vjeçar ka vrarë një bashkëmoshatare të tijën.
Ngjarja ka ndodhur në lagjen Primavalle dhe u zbulua, teksa adoleshenti po përpiqej ta hidhte trupin në një kosh plehrash. Ka qenë një kalimtar i rastit që ka parë dhe të miturin, i cili përmes një karroce me një qese të madhe të zezë po tentonte që të hidhte në kazan plehrash trupin e adoleshentes. Por kalimtari ka parë se nga karroca pikonte gjak dhe menjëherë ka njoftuar policinë.
“E pashë atë djalin të zbriste me një karrocë dhe një qese të madhe të zezë mbeturinash nga e cila pikonte gjak”, ka thënë dëshmirtari.
Kur oficerët e policisë mbërritën në vend, gjetën disa njolla gjaku që të çonin nga një derë e një ndërtese në një kosh mbeturinash. Aty ishte dhe djali, i cili po përpiqej të fshinte gjurmët.
Ndërkaq në lidhje me këtë ngjarje, paraprakisht dyshohet se shkak mund të jetë bërë një shtatzanie mundhsme e vajzë, me të cilën djali kishte një lidhje prej disa kohësh.