![](https://dk-news.com/wp-content/uploads/2024/06/1000-0-ambulanca-770x406-1-752x406-1_sd-1024x576.webp)
Një banesë në lagjen nr.4 të Korçës është përfshirë nga flakët mëngjesin e sotëm, ku si pasojë ka mbetur i plagosur me djegie të rënda në trup një 89-vjeçar.
Ai u dërgua menjëherë për ndihmë mjekësore së bashku me një 47-vjeçare e cila kujdesej për të moshuarin. Ajo përfundoi në spital me probleme në frymëmarrje.
Grupi hetimor po punon për sqarimin e rrethanave dhe përcaktimin e shkaqeve të rënies së zjarrit, i cili paraprakisht dyshohet të ketë rënë për shkaqe aksidentale.