Një efektiv policie është dhunuar ditën e sotme në qytetin e Vlorës nga një drejtues automjeti.
Bëhet me dije nga burime paraprake për mediat se ngjarja ka ndodhur mëngjesin e ditës së sotme në rrugën Transballkanike.
Fillimisht efektivi i policisë i ka bërë thirrje një automjeti për të ndaluar dhe i ka kërkuar drejtuesit të tij të dali nga makina por ky i fundit nuk ka pranuar.
Më pas, siç konfirmohet nga burimet, efektivi ka thirrur Forcat Shqiponja dhe sapo këto të fundit kanë mbërritur në vendin e ngjarjes drejtuesi i automjetit ka dal nga makina dhe e ka qëlluar policin.
Drejtuesi është shoqëruar në komisariat ndërsa polici po merr ndihmën mjekësore në spital me plagë të lehta.
Shoferi mësohet se ishte nën efektin e pijes alkoolike, ndërkohë që Policia e Vlorës ka nisur veprimet proceduriale.
Kujtojmë se ngjarje të tilla sporadike janë të shpeshta në vendin tonë, teksa këto veprime vijnë zakonisht si pasojë e personave të papërgjegjshëm.
Ndërkohë që deri më tani nuk është mësuar identiteti i policit dhe as shoferit që e ka dhunuar, teksa pritet gjithashtu dhe njoftimi zyrtar i autoriteteve policore.