Emiliano Frroku është i riu që ndërroi jetë mëngjesin e sotëm në Shëngjin teksa ra nga pallati ku po punonte.
Burime për media bëjnë me dije se i riu ka qenë në katin e 9-të duke punuar, nga ku edhe ka rënë. Edhe pse menjëherë ka marrë ndihmë mjekësore, i riu nuk ka mbijetuar për shkak të plagëve të marra.
Grupi hetimor ka mbërritur në vendin e ngjarjes dhe ka nisur hetimet në lidhje me këtë aksident në punë, ku fatkeqësisht ndërroi jetë një punëtor.
Policia bën me dije se grupi hetimor po vijon punën për zbardhjen e ngjarjes.
“Rreth orës 7:30, dyshohet se gjatë punës, ka rënë aksidentalisht nga lartësia e një pallati, shtetasi E. F., i cili si pasojë ka humbur jetën në spital. Grupi hetimor vijon punën për të dokumentuar me prova ligjore rrethanat e rastit”- njofton policia.