Gjykata e Gjirokastrës ka caktuar masën e sigurisë për autorin e dyshuar të vrasjes së çiftit në Dropull, Thoma Mastora.
Në vendimin e marrë ditën e sotme, theksohet se Mastora i dyshuar për kryerjen e veprës penale “Vrasje në rrethana të cilësuara” dhe ” Mbajtje pa leje dhe prodhimi i armëve shpërthyese dhe municioneve”, është lënë në masën e sigurisë burg paafat. Ndërkohë që për këtë vendim, Mastora mund të bëjë ankim në Gjykatën e Apelit të Juridiksionit të Përgjithshëm brenda 5 ditëve.
Mastora ka përsëritur të njëjtën frazë edhe me seancën e sotme, duke deklaruar para trupës gjykuese se ai nuk është vrasësi.
“Nuk e kam bërë unë, gjejeni vrasesin por s’jam unë”- ka thënë ai.
Vendimi i Gjykatës:
Gjykata e Shkalles se Parë e Juridiksionit te Pergjithshem Gjirokaster sot ne date 08.05.2023, ora 15.00 versoi kerkesën e Prokurorise Girokastër me objekt vleftesim arresti dhe caktim mase sigurimi personal per personin nën hetim: Thoma Mastora.
Gjykata e Shkallës se Parë e Juridiksionit te Pergjithshem Gjirokaster vendosi: 1. Vleresimin e ligjshem te dalimit te personit nen hetim Th. M., i dyshuar per kryerjen e vepres penale “Vrasje në rethana të cilsuara” dhe ” Mbajtje pa leje dhe prodhimi i armève shpërthyese dhe municioneve” parashikuar nga neni 79dh dhe 278/3 Kodit Penal.
2. Caktimin ndaj personit nën hetim Thoma Mastora, te mases së sigurimit “Arrest ne burg” parashikuar nga neni 238 te Kodit te Procedures Penale. 3. Ngarkohet Prokuroria pranë Gjykates se Shkallës së Partë te Juridiksionit te Pergjithshem Gjirokaster ne bashkepunim me policine gigisore per ekzekutimin e kêtij vendimi.
4. Kunder ketij vendimi mund te behet ankim ne Gjykatën e Apelit te Juridiksionit te Pergjithshem, brenda 5 (pese) diteve, duke filluar ky afat nga e nesermja e shpalljes se ketij Vendimi.
Ngjarja e rëndë dyshohet të ketë ndodhur në orët e vona të drekës ose të pasdites së 30 prillit. Policia tha në deklaratën e tyre se shkaqet e vrasjes kanë qenë për motive të dobëta dhe konflikte çasti dhe të mëparshme mes autorit dhe viktimave.
Kleoniqi Alia, 88-vjeç, kishte disa kohë që ankohej te të afërmit e saj se 69-vjeçari i shqetësonte me praninë e tij. Sipas policisë të moshuarit u gjetën me shenja plage të shkaktuara nga mjet i fortë prerës në kokë dhe në trup. Burime policore pohojnë se arma e krimit është një sëpatë e vogël.
Drejtuesit e Komisariatit të Gjirokastrës thanë po ashtu në deklaratën e tyre se Thoma Mastora njihej si një njeri problematik në fshat. Ai ishte dënuar më herët për vjedhje. Për sqarimin e ngjarjes dhe identifikimin e autorëve u shoqëruan dhe pyetën për rrethanat e hetimit 35 persona.