![](https://dk-news.com/wp-content/uploads/2024/05/800-0-4ccedf7dd30613affb340605ef7d9f08.jpg)
Artan Hoxha ka qenë i ftuar në një emision televiziv ku u diskutua për mega operacionin e SPAK, i cili goditi disa nga organizatat kryesore të krimit të organizuar në vend.
Hoxha shpjegoi se një nga personazhet kyç është Aleks Deda, i njohur me nofkën Leksi i Druve i cili ka qenë në shënjestër për t’u ekzekutuar disa herë dhe ka vajtur në SPAk për të rrëfyer ngjarje kriminale.
Hoxha tregoi disa nga momentet kyç të dosjes të SPAK.
“Operacioni më i madh nga viti 91’ deri sot, i kryer me një goditje të vetme. Një operacion të tillë mund ta bënte vetëm një prokurori speciale. Duke qenë operacion i tillë, është i shtrirë në territor dhe kohë. Është zhvilluar në gjashtë shtete. Një oficer i Europol ka qenë i vendosur në SPAK.
Pjesa tjetër, policia e shtetit, RENEA, forcat Operacionale, kanë vepruar në dhjetë qytete të Shqipërisë, për të kryer bastisje, kontrolle. Ka një problem, në operacione kaq masive, është problem të ruash sekretin. Kërkesa ka vajtur në datën 9 maj, ndërsa në datën 15 maj, gjykata ka miratuar kërkesën.
Në fakt, janë vendosur 51 emra, por masa sigurie janë 50 deri tani. Nga e mërkura, ora 9 dhe deri të premte pas mesnate, është një periudhë e gjatë për një vend të vogël si Shqipëria. Me nivelin që ka krimi i organizuar, kemi të bëjmë me personazhe që kanë informacion të vazhdueshëm sepse kanë dekada në qarkullim. Ky 48 orësh, nga firmosja deri te fillimi i operacionit, nga disa vende të botës, ku janë shqiptarë, kam shkëmbyer telefonata sepse kishte një alert që diçka po ndodh.
SPAK ka bashkuar katër procedime në një.
Procedimi fillestar është nr.59 i vitit 2022. E mbaj mend sepse e kam ndjekur, bëhej fjalë për disa tentativa, për të vrarë një person në Lezhë me dron, tentuan tre herë. Ky njeri, e kam cilësuar thesar për SPAK, nuk ishte i njohur. Ai vajti vetë te SPAK sepse u ndje i rrezikuar nga të katër anët. Bëhet fjalë për Aleks Dedën, ose Leksi i Druve.
Këtij i ishin bërë dy atentate. Mbijetoi dhe u largua nga Shqipëria me idenë që të qetësohen gjakrat. Ky u kthye në 6 mars 2022. Në datën 7 mars ka dalë në kafe në Lezhë, bashkë me Ardjan Nikulaj. Del te dera e lokalit, e qëllojnë por nuk e kapin plumbat. Ky kundër reagon.
Të nesërmen, duke mos patur besim te policia dhe prokuroria, ai paraqitet dhe deklaron në SPAK, jep dëshmi. Në datën 8 mars 2022, Leksi i Druve, ka rrëfyer atje. Dy ditë më mbrapa e kam takuar vetë. E kam ndjekur situatën, sepse po tentohej ta vrisnin me dron.
Policia e shihte dronin por nuk e gjenin dot nga vinte. Ky ka dhënë edhe një deklarim tjetër në vitin 2023 dhe ka ikur nga Shqipëria. Cfarë përfaqëson Leksi i Druve?
Ka qenë mik me ish deputetin e PS, Arben Ndoka. Është i njohur me shumë personazhe nga Nikla dhe Fushë Kruja.
Kur është vrarë vëllai i Arben Ndokës, Aleksandër Ndoka, ishte ngjarje shumë e rëndë, me mbështetje. Pas vrasjes, që e lidhin me një ngjarje të zgjedhjeve të vitit 2013, ka patur një incident. Dyshuan që kjo ndërhyrje politike mund të ketë lidhje.
Negociatën e parë e bën Bardhok Pllaka. Negocion me fisin Ndoka dhe thotë nuk ka patur lidhje Ramazan Rraja. Pasi merret vesh kjo gje, negocion për të patur një takim midis fisit Ndoka dhe familjes Bami për të sqaruar që as këta nuk kanë lidhje me këtë ngjarje. Këtu është strumbullari nga nis kjo histori.
Në këtë hetim flitet edhe për ngjarjet e 8 shkurt 2015, kur është rrëmbyer Enver Stafuka, që u rrëmbye, torturua dhe u zhduk. E kanë marrë me uniforma policie, ka marrë pjesë në ngjarje shumë të rëndësishme. Ai është i regjistruar. Shullazi flet me pjesëtar të zonës së Niklës, thotë ta marrim peng filamin dhe ta bëjmë si filamin dhe të dëshmojë.
Ngjarja tjetër, e cila është bërë pretekst është një atentat, që ka ndodhur në 5 janar 2015, në mbikalimin e Kasharit, atentat Emiljano Shullazit. Shullazi në atë kohë ishte i paprekshëm dhe ishte goditja e parë që i është bërë. Aty ka marrë pjesë ky Stafuka, Gent Bejtja që u vra para një muaji dhe një personazh tjetër që është në burg, jo për këtë ngjarje.
Shullazi është interesuar të marrë vesh se kush e ka bërë.
Ngjarja e fundit është ngjarja në të cilën, i është bërë atentat Durim Bamit. Të gjitha këto ngjarje, SPAK i ka marrë dhe punuar një nga një, mbështetur edhe nga deklarimet e Leksit të Druve, Nuredin Duamanit”, tha Hoxha.