![](https://dk-news.com/wp-content/uploads/2024/06/Basha-Berisha-vula-e-PD-770x403_sd-1024x576.jpg)
Gjykata e Apelit i ka dhënë vulën e Partisë Demokratike ish-kryeministrit Sali Berisha.
Vendimi u mor sot nga Gjykata e Apelit të Tiranës, e cila vendosi të mos pranojë ankimimin e Enkelejd Alibeajt duke lënë në fuqi vendimin e gjyqtarit Agron Zhukri.
Kështu, Partia Demokratike zyrtare i mbetet ish-kryeministrit Sali Berisha. Çështja në Apel u shqyrtua nga një treshe gjyqtarësh me relatore Alma Ahmeti, ndërsa dy anëtarët janë Iliba Bezati dhe Elona Toro. Ky vendim është i formës së prerë.
Berisha dhe mbështetësit e tij pretendojnë se kanë shumicën e demokratëve dhe në kushte të tilla vula i përket pikërisht atyre. Në anën tjetër, Basha u rikthye në krye të PD-së pas një tërheqjeje pothuajse 1 vjeçare, duke ia deleguar drejtimin e partisë, Enkelejd Alibeajt.