Një ngjarje e rëndë ka ndodhur në kryeqytet, ku skela e një pallati në ndërtim ka rënë duke plagosur dy qytetarë.
Ngjarja ka ndodhur në zonën e ish-Parkut të Autobusave, ku një pjesë e skelës së një pallati në ndërtim ka rënë duke zënë poshtë dy kalimtarë, të cilët janë transportuar në spital.
Tiranë/Informacion paraprak
Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.
Dy të dëmtuarit ndodhen në spital, në kujdesin e mjekëve.