Dy persona kanë mbetur të plagosur nga një aksident i shumëfishtë në Rrugën e Kombit. Nga informacionet paraprake bëhet e ditur se aksidenti ka ndodhur në afërsi të fshatit Blinisht.
Ndërsa raportohet se si pasojë e përplasjes së 6 makinave janë shkaktuar dëme materiale. Deri më tani nuk dihen rrethanat e ngjarjes.
“Në Rrugën e Kombit, në afërsi të fshatit Blinisht janë përplasur 6 automjete. Si pasojë e përplasjes janë shkaktuar dëme materiale dhe janë lënduar lehtë dy shtetas.
Shërbimet e Policisë ndodhen në vendngjarje dhe vijon puna për të përcaktuar shkakun e përfshirjes se automjeteve ne aksident.”, thuhet në njoftimin e policisë.