Një 37-vjeçar është arrestuar në Shkodër, pasi akuzohet se ka përplasur për vdekje një çift disa ditë më parë.
Sipas policisë, aksidenti ka ndodhur më datë 8, kur një autobus që drejtohej nga 37-vjeçari, ka përplasur një motomjet, ku udhëtonin Adem Sula, 84 vjeç dhe bashkëshortja e tij, shtetasja Sadije Sula, 80 vjeç. Dy të moshuarit ndërruan jetë në vendngjarje, teksa 37-vjeçari u largua nga aty.
Njoftimi i policisë:
Aksidentoi me pasojë vdekjen çiftin e bashkëshortëve që lëviznin me motomjet, arrestohet në flagrancë 37-vjeçari (drejtuesi i autobusit).
Specialistët e Policisë Rrugore të Drejtorisë Vendore të Policisë Shkodër arrestuan në flagrancë shtetasin F. V., 37 vjeç, banues në fshatin Tamarë, Malësi e Madhe, pasi më datë 08.07.2023, rreth orës 18:50, në aksin rrugor “Koplik-Shkodër”, në fshatin Shtoj i Ri, autobusi që drejtohej nga 37-vjeçari, është përplasur me motomjetin me të cilin lëvizte shtetasi Adem Sula, 84 vjeç dhe bashkëshortja e tij, shtetasja Sadije Sula, 80 vjeçe.
Si pasojë e përplasjes, shtetasit Adem dhe Sadije Sula kanë humbur jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.