Një 27-vjeçar shqiptar është vrarë në Nesima, Catania, Itali.
27-vjeçari shqiptar Kastriot Ismailaj ndërroi jetë në orën 9.45 të mëngjesit të sotëm në spitalin Garibaldi Centro. Ai thuhet se është plagosur rëndë të premten gjatë të shtënave të ndodhura në Nesima , në via Santo Cantone, brenda një banese sociale. Gjendja e tij ishte e rënduar dhe mjekët nuk ishin në gjendje të ndërhynin për t’i nxjerrë një plumb nga kafka e tij.
Hetimet për vrasjen e shqiptarit kanë përfunduar rreth orës 16:00 të pasdites së sotme. Mbrëmjen e djeshme në polici është dorëzuar Giovanni Di Benedetto, i identifikuar falë deklaratave të një 43-vjeçari italian i cili pasi u plagos me armë zjarri u hodh nga kati i dytë për t’u arratisur por pësoi fraktura të shumta.
Ndër hipotezat që po shqyrtohen nga hetuesit është ajo e mosmarrëveshjes për shfrytëzimin e banesës sociale e cila ishte e pabanuar që prej vitit 2018.