Ditën e djeshme, Arbana Osmani dhe Eduart Grishaj, kanë celebruar dashurinë e tyre në martesë, në një ceremoni të mbajtur në Toskana të Italisë.
Ceremonia, sipas asaj që Grishaj zbuloi pak ditë më parë, do të mbahej me njerëz të rrethit të ngushtë, ndërsa mes të ftuarve ishin edhe personazhe të njohur të ekranit.
Ndërkohë në mediat sociale është përmendur shumë fakti që Luiz Ejlli nuk do të ishte i pranishëm në këtë dasmë, pasi atë ditë kishte një koncert në Shtetet e Bashkuara të Amerikës.
Por këngëtari zgjodhi që të uronte çiftin në një mënyrë mjaft të veçantë, ashtu siç vetëm ai, me humor.
Pas publikimit të një video në rrjetet e tij sociale ku uroi Arbanën dhe Eduartin, fansat duket se nuk e besojnë se ai ka qenë mes të ftuarve të çiftit.
Një ndjekës i ka shkruar Luizit se as ai dhe as Kiara nuk ishin të ftuar në dasmë. Këtë koment e ka lexuar artisti, i cili ka vendosur që t’i kthejë përgjigje.
Luizi i është kthyer duke i thënë se nuk ka shkuar pasi ka qenë në Nju Jork me koncerte, duke e paralajmëruar që të ketë kujdes me fjalorin, pasi tashmë “Big Brother” ka mbaruar.
“Ik ore debil se s’të ka ftuar as ty as llullën”, ishte komenti i dikujt në “Instagram”.
“Valeria, nuk ka arritur akoma koha e teletransportimit nga New York në Toscana. Gjithsesi, kujdes me fjalorin sepse ka mbaruar “BB” dhe mos më detyro të ta kthej siç e meriton”, i kthehet Luizi.