Koreografi i njohur, Albi Nako, së shpejti pritet t’i japë fund beqarisë. Dje ishte i ftuar në emisionin “S’e Luan Topi”, ku i ka dhënë publikisht ftesën moderatores së emisionit, Erjona Rusi, për në celebrimin e ditës më të veçantë të jetës së tij, ku pritet të kurorëzojë dashurinë me partneren në martesë.
Pjesë nga intervista:
Albi Nako: Unë jam detajist dhe mundohem të shkojë te perfeksioni me aq sa na lejojnë rrethanat. Por i kam bërë një premtim vetes që në momentin e parë që do të shoh se figura ime artistike, profesionale, do të sfumohet dhe do të bjerë profesionalisht, unë do ta lë këtë zanat. Më mirë një mbyllje me nder sesa të degradoj dhe të kthehem në një fosile të artit, në një gjë mediokre që i ka ikur koha. Por mua sistemi i përditësimit më punon shumë mirë, dhe kështu për momentin jam në të njëjtën linjë me kohën.
Erjona Rusi: Tani që anija do të ankorohet e morëm vesh, por dasmë, dasmë, dasmë do të kemi? Apo jo?
Albi Nako: Dasmë, dasmë… Se unë e di që ti do të bësh pyetje për lajm mooo…
Erjona Rusi: Jo jo, unë dua të kërcej. Më beso që ngordha, vdiqa për një dasmë.
Albi Nako: Ti do të jesh e ftuara ime e parë për në dasmë.
Erjona Rusi: Aaaa, do të kemi dasmë…