Një 49-vjeçar është shpëtuar nga policia ditën e sotme pasi tentoi të vetëvritej duke u hedhur nga ura e lumit të Bunës. Policia ka ndërhyrë menjëherë duke parandaluar një ngjarje tragjike.
Sipas njoftimit të policisë 49-vjeçari është shoqëruar nga autoritetet dhe është dërguar në spitalin psikiatrik pasi dyshohet se vuante nga sëmundje të shëndetit mendor.
Njoftimi:
Sot më datë 23.08.2024, Patrulla e Qarkullimit Rrugor gjatë patrullimit në territor ka konstatuar një shtetas te Ura e Bunës që kryente lëvizje të dyshimta dhe tentonte të hidhej nga Ura në lumin Buna.
Patrulla e Qarkullimit Rrugorë e DVP Shkodër ka njoftuar forcat ”Shqiponja” dhe shkuan menjëherë te qytetari që tentonte të hidhej në lumë.
Si rezultat i ndërhyrjes së shpejtë, u parandalua ngjarja dhe 49-vjeçari V. N, u shoqërua në spital psikiatrik, për të marrë asistencën e nevojshme mjekësore, pasi nga verifikimet rezultoi se vuante nga shëndeti mendor.