Një burrë i moshës 41-vjeç është shpallur në kërkim nga policia greke për shkak se ka plagosur me kaçavidë bashkëshorten e tij, teksa çifti ishin divorcuar prej disa ditësh.
Gruaja 34-vjeçare ka bërë një kallëzim në polici fillimisht për sulme verbale me sharje dhe fyerje. Ndërkohë, pak ditë më parë raportohet se 41-vjeçari i ka shkuar sërish para shtëpisë ish-gruas së tij.
Pasi e ka ofenduar, ai e ka sulmuar 34-vjeçaren në pjesën e belit me një kaçavidë, fatmirësisht pa pasoja të rënda. Çështja tashmë i ka kaluar policisë, që po punon për kapjen e autorit.