Një 34-vjeçar ka rënë në prangat e policisë, pasi akuzohet se ka plagosur me thikë një person.
Ngjarja ka ndodhur ditën e djeshme në Sarandë, teksa i riu është identifikuar si Geart Çoçka. Mësohet se ai ka plagosur pas një konflikti për motive të dobëta, shtetasin me inicialet A. B., banues në Sarandë, i cili ndodhet jashtë rrezikut për jetën.
Çoçka është një person i skeduar nga policia, pasi më herët është arrestuar nën akuzë për prodhim dhe shitje lëndësh narkotike, e po ashtu për vjedhje.
Megjithatë, ai gjithmonë është shpallur i pafajshëm nga Gjykata.