Një ngjarje e rëndë është regjistruar gjatë natës në Tiranë, ku burri ka plagosur bashkëshorten me thikë.
Nga informacionet paraprake bëhet e ditur se ngjarja ka ndodhur rreth orës 2:15 në rrugën “Xhanfize Keko”, ku 52-vjeçari me inicialet J. Sh., dyshohet se ka goditur me thikë në trup dhe qafë gruan e tij 46-vjeçare E. Sh.
Kjo e fundit ndodhet në spital nën kujdesin e mjekëve, ndërsa autori i dyshuar u arrestua në flagrancë për veprën penale “Vrasja për shkak të marrëdhënieve familjare”, mbetur në tentativë.
Grupi hetimor po punon për sqarimin e rrethanave të ngjarjes.