Policia e Kavajës ka arrestuar ditën e sotme një 50-vjeçar, i cili ishte shpallur në kërkim prej dy vitesh.
Mësohet se në pranga ka rënë në Rakip Meçaj, i cili ishte shpallur në kërkim pasi Gjykata e Durrësit, i ka caktuar masën e sigurisë “Arrest në burg”, për veprat penale “Vrasja”, mbetur në tentativë, “Veprime në kundërshtim me vendimin e gjykatës” dhe “Dhuna në familje”.
Në muajin korrik të vitit 2022, ky shtetas ka tentuar të vrasë, duke e përplasur me automjet, bashkëshorten e tij, e cila ka qenë me urdhër mbrojtjeje.
Njoftimi i policisë:
Kavajë
Komisariati i Policisë Kavajë finalizoi operacionin e koduar “Break”.
Gjatë operacionit është kapur shtetasi Rakip Meçaj., 50 vjeç, banues në Rrogozhinë.
Ky shtetas ishte shpallur në kërkim kombëtar, pasi Gjykata e Durrësit, me vendimin e datës 07.07.2022, i ka caktuar masën e sigurisë “Arrest në burg”, për veprat penale “Vrasja”, mbetur në tentativë, “Veprime në kundërshtim me vendimin e gjykatës” dhe “Dhuna në familje”. Në muajin korrik të vitit 2022, ky shtetas ka tentuar të vrasë, duke e goditur me automjet, bashkëshorten e tij, e cila ka qenë me urdhër mbrojtjeje.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Durrës.