Arrestohet i shpalluri në kërkim kombëtar Eduart Stafhasani në Durrës. Mësohet se Gjykata e Tiranës e ka dënuar 40-vjeçarin me 12 vite burgim ku i kanë mbetur për të kryer edhe 7 vite.
Bëhet me dije se Stafhasani është dënuar për veprën penale prodhimi dhe shitja e lëndëve narkotike. Me rastin për veprime të mëtejshme do të merret Prokuroria e Durrësit.
Njoftimi i Policisë:
Durrës/ Forca e Posaçme Operacionale, si rezultat i kontrolleve në zbatim të planit operacional “Sundimi i ligjit”, për kapjen e shtetasve në kërkim, bazuar dhe në informacionet e siguruara nga inteligjenca policore, finalizoi operacionin e koduar “Local”.
Gjatë operacionit është lokalizuar dhe kapur shtetasi Eduart Stafhasani 40 vjeç, banues në Durrës.
Ky shtetas ishte shpallur në kërkim kombëtar, pasi Gjykata e Apelit Tiranë, me vendimin e datës 22.02.2024, e ka dënuar me 12 vjet burgim, për veprën penale “Prodhimi dhe shitja e lëndëve narkotike”, nga të cilat i kanë mbetur për të kryer 7 vjet, 5 muaj e 12 ditë.
Materialet proceduale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.