Avokati Idajet Beqiri bëri deklarata të forta paraditen e sotme i ftuar në emisionin Breaking në Top News.
Në qendër të akuzave të tij ishte ish-Presidenti Ilir Meta. Teksa diskutoi për aferën CEZ-DIA në të cilën kreu i Partisë së Lirisë është i përfshirë e për të cilën po heton SPAK, përmendi edhe dëshminë e një prej dëshmitareve kundër Metës në këtë çështje.
“SPAK merret me dosjen, derisa e ka të mbyllur hetimin për CEZ-DIA, ta çojë tani çështjen në gjyq, sepse ka dëshminë e Kastriot Ismailajt, të bashkëshortes së tij, dëshmi nga më të fuqishmet.
Ajo tha më jepni azil në Austri se po nuk më dhatë do më vrasë Ilir Meta siç vrau ambasador Tepshin edhe drejtorin e ish-CEZ-it KESH-it.
Prandaj nuk duhet zgjatur si gjë dhe dosja të mos mbahet në dorë por të vijohet nga puna,” tha avokati.