Tre persona të moshës 50 deri në 75 vjeç, pjesë e “bandës së gjyshit” prej gjashtë anëtarësh, janë vënë në pranga në Romë, nën akuzën për grabitje të zyrave postare në kryeqytetin italian dhe rajonin e Lazios.
Sipas prokurorisë, grupi grabiti shpesh zyrat postare duke carë muret për të hyrë në institucione.
Ata dyshohet se kanë hyrë të armatosur në postë në maj të vitit të kaluar në lagjen San Giovanni të Romës, ku kanë kërcënuar drejtorin dhe kanë vjedhur 195.000 euro.
Anëtarët e tjerë të dyshuar janë ende nën hetim për të përcaktuar rolin e tyre në grabitje.