Kylian Mbappe është në qendër të vëmendjes pas ndeshjes së parë të Francës në Euro 2024 kundër Austrisë. Kjo pasi gjatë ndeshjes ai u përplas dhe pësoi një thyerje në pjesën e hundës.
Megjithatë edh pse mjekët i dhanë opsionin për të mos marrë pjesë në Euro2024 , ai do të vazhdojë të luajë me një maskë mbrojtëse për të shmangur rrezikun e përkeqësimit të dëmtimit. Ky është një lajm i mirë për trajnerin Didier Deschampes dhe për tifozët francezë, të cilët do të kenë rastin të shohin Mbappe në fushë gjatë ndeshjes së ardhshme me Holandën më 21 qershor.
Mbappe, i cili udhëheq si kapiten për herë të parë në një kampionat Europian, synon të fitojë trofen e vetme që i mungon me Kombëtaren, duke pasur në përvojën e tij fitoren në Ligën e Kombeve dhe Kupën e Botës.
Ndonëse vetëm 25 vjeç, kapiteni i Francës ka fituar Ligën e Kombeve dhe Kupën e Botës. Ndeshja e radhës për Francën do të jetë me 21 qershor përballë Holandës