Ashtu siç edhe paralajmëruan, tashmë lëvizjet në drejtoritë rajonale po vijojnë. Një tjetër drejtor dorëhiqet nga posti, por pa dhënë asnjë shpjegim. Pjerin Çuku, që deri më tani ka mbajtur postin e Drejtorit të Postes në Lezhë ka paraqitur dorëheqjen.
Ai nuk e ka komentuar vendimin e tij, që duket se vjen për shkak të përformancës jo efikase në këtë institucion.
Ai do të pasohet nga Flori Gjini, ish Drejtor i IKMT-e që më parë ka qenë edhe Drejtor i Burimeve Njerëzore në Bashki dhe tashmë do të marrë në menaxhim një institucion shumë delikat përballë publikut. Edhe Posta sh.a Lezhë ishte në fazën e nevojshme të reformimit për të përmirsuar imazhin e saj deri diku të humbur.
Besmir Frroku dhe Pjerin Çuku janë vetëm dy emrat e parë, por në sitë janë edhe Sigurimet Shoqërore, Njësia e Kujdesit Shëndetësor, Shërbimi Social Shtetëror, Mjedisi, Arsimi, Porti i Shëngjinit, Zyra Rajonale e Punësimit, por në analizë janë edhe disa drejtori brenda Bashkisë Lezhë, emrat e të cilave do të publikohen në ditët në vijim.