![](https://dk-news.com/wp-content/uploads/2024/07/Sali-Berisha-foto-LSA-tirane-me-22-korrik-2022-1080x720-1-1024x683.webp)
Klodiana Gjyzari, avokatja e cila përfaqësoi ish-kryeministrin Sali Berisha në seancën e GJKKO, pasi Genc Gjokutaj kishte probleme shëndetësore tha se SPAK pranoi t’i kalojë fashikujt në rrugë elektronike pa pagesë.
“Spak pranoi të na i kalojë fashikujt në rrugë elektronike dhe pa paguar shpenzimet gjyqësore”, tha ajo për gazetaren e Top Channel, Anila Hoxha.
Gjykata nuk u shpreh për revokimin e masës së Berishës, i cili kërkon gjithashtu ndryshim mase.
Fashikujt që pritet t’i kalojnë avokates janë hetimet e kryera përgjatë këtyre dy muajve.
Seanca ndaj Berishës u shty dhe pritet të mbahet më 30 korrik.