Gjatë spektaklit të mbrëmjes së kaluar, Françeska Murati u vendos përballë Kutisë së Pandorës në “Big Brother VIP3”.
Meqenëse banorja pranoi që të hapte kutinë, ajo pati mundësinë për një telefonatë me bashkëshortin, i cili i shprehu asaj mbështetje të madhe.
Por si anë “të keqe”, Françeska kishte mundësinë që të dërgonte në televotim 3 banorë, bashkë me Heidi Bacin që është në televotim deri në fund.
Ajo vendosi të dërgojë në televotim për të shtunën, veten, Erjola Doçin dhe Roza Latin.
“Së pari, unë si Françeskë në këtë shtëpi jam gjykuar shumë. Jam gjykuar shumë nga banorët duke më thënë që ‘ti je kot, je lojtare kot, nuk më pëlqen loja jote’, duke më bërë bllok, duke më injoruar, duke vënë duart në vesh kur flas dhe duke më ikur nga debatet.
Pas gjithë këtyre, më kanë bërë të dyshoj te vetja ime dhe te analizat e mia, pavarësisht se shumicën e kohës gjërat që kam thënë kanë dalë. Kështu që për këtë televotim mendoj se i drejti zhytet por kurrë nuk mbytet. Dërgoj veten time në televotim bashkë m Erjolën dhe Rozën”, tha Françeska.