Vokalisti dhe kitaristi i bandës së famshme të rrokut “Foo Fighters”, Dave Grohl, ka tronditur të gjithë me një postim në rrjetet sociale.
55-vjeçari, i cili gjithashtu ka qenë edhe baterist i grupit legjendar të rrokut, “Nirvana”, ka zbuluar se ai ka tradhtuar bashkëshorten e tij. Madje ka treguar edhe se ka një fëmijë jashtëmartesor.
Në postimin e tij, Dave Grohl, shpjegon se po i lutet bashkëshortes së tij që ajo t’a falë.
“Së fundmi jam bërë baba i një vajze që ka ardhur në jetë nga një lidhja ime jashtëmartesore. Kam në plan të jem një prind i dashur dhe mbështetës për të. Unë e dua gruan time dhe fëmijët e mi dhe unë po bëj gjithçka që mundem për të rifituar besimin e tyre dhe për të fituar faljen e tyre”, ka shkruar 55-vjeçari në rrjetet sociale.
Dave Grohl konsiderohet gjerësisht si një nga personalitetet më të këndshme dhe të thjeshta në industrinë e muzikës.
Ai ka qenë një figurë e pranishme në këtë industri që prej ngritjes së Nirvanës në fund të viteve ’80 dhe ka vazhduar të ketë sukses me grupin e rock-ut “Foo Fighters”, që ai themeloi në vitin 1994.
Grohl është i martuar me modelen dhe producenten televizive Jordyn Blum, 48 vjeç, që prej vitit 2003, dhe çifti ka tre vajza së bashku: Violet Maye, 18 vjeç, Harper Willow, 15 vjeç dhe Ophelia Saint, 10 vjeç.
Muzikanti dhe bashkëshortja e tij janë fotografuar publikisht së fundmi, ndërsa morën pjesë në Wimbledon në Londër gjatë verës.
Martesa e tij me Jordyn është e dyta, pasi më parë ishte i martuar me fotografen, Jennifer Leigh Youngblood, nga viti 1994 deri në 1997, ku Grohl pranoi se e kishte tradhtuar atë.