Prej mbrëmjes së kaluar, Erjola Doci dhe Graciano Tagani janë përfshirë në debata të ashpra më njëri-tjetrin. Shkak për sherrin mes tyre është bërë deklarata e Gracianos, i cili është shprehur se Romeo i ka dërguar mesazhe Erjolës kur kanë qenë jashtë ndërkohë që kjo e fundit ka hedhur poshtë çdo deklaratë të balerinit.
Mbrëmjen e kaluar, Erjola madje ka tentuar të largohet nga shtëpia e BBV lidhur me këtë situatë të ndodhur.
Teksa ka qënë në dhomën e gjumit së bashku me Julin, Meritonin dhe Romeon, Erjola ka rrëfyer se Graciano e dinte se ajo kishte përjetuar dhunë në një lidhje të mëparshme dhe se nuk po duronte dot presionin e vazhdueshëm brenda shtëpisë.
Erjola zbuloi se në kohën kur ishte viktimë e dhunës nga ish-partneri i saj, Graciano jetonte në një shtëpi ngjitur. Ajo rrëfeu se ai ndonjëherë e dëgjonte kur ajo ishte duke u rrahur dhe i kishte ofruar ndihmë.