Ditën e djeshme, ish-banorja e BBV ka konfirmuar lajmin e bukur se ajo dhe partneri i saj janë në pritje të ëmbël. Mikela ka organizuar festën e “gender reveal”, ku zbuloi se së shpejti do të bëhet nëna e një vajze.
Një detaj që është bërë viral nga festa e organizuar ditën e djeshme, ishte një tatuazh që partneri i saj kishte gdhendur në trup, dedikuar bebit që do të vijë në jetë.
Në vend të “It’s a girl”, ka shkruar “I’ts a girl”. Menjëherë komentuesit e vunë re gabimin, por mesa duket, qenka një shaka mes dy partnerëve.
Përmes një postimi të bërë në profilin e saj të Instagramit, Mikela ka sqaruar se cfarë fshihet mbas tatuazhit të partnerit të saj. Ajo ka treguar se në fakt nuk bëhet fjalë për një gabim drejtshrimor por është një shaka mes ciftit.
“Për të gjithë ju që keni menduar se kemi bërë një tattoo gabim, duam t’ju themi që është bërë me qëllim, pasi është një ‘shaka’ që vetëm ne e dimë dhe e bënte akoma më të bukur këtë kujtim. Faleminderit për korrigjimin”, sqaron Mikela.