Shqipëria ka marrë një barazim të rëndësishëm në minutën e fundit përballë Kroacisë, me Klaus Gjasulën që shënoi në minutën e fundit për t’i dhënë pikën e parë kuqezinjve në këtë Europian.
Sfida nisi mjaft mirë për kuqezinjtë, të cilët gjetën rrugën e rrjetës që në minutën e 11’ me anë të Qazim Laçit pas një goditje me kokë.
Rastet ishin të shumta nga kuqezinjtë me Asllanin dhe Manajn, por pa arritur ta çonin në rrjetë.
Në pjesën e dytë, kroatët shënuan dy herë në dy minuta me Kramaric dhe një autogol të Gjasulës.
Por ishte pikërisht ky i fundit, i cili në frymën e fundit të gabimit korrigjon gabimin e tij dhe i jep barazimin skuadrës së Sylvinhos.
Kështu Shqipëria shkon në kuotën e një pike në grupin B, po aq sa edhe Kroacia.
REZULTATI:
KROACI 2-2 SHQIPËRI
Kramaric 74′, Gjasula (A.G) 76′ / Laçi 11′, Gjasula 90+5′
KOMENTI LIVE:
90+8′ Mbyllet sfida në barazim!
90+5′ GOOOL SHQIPËRIA 2-2/ Gjasula merr një top në zonë dhe godet me të majtën duke e çuar në rrjetë.