Big Brother Vip Albania është një fenomen social që mbërthen fort jo vetëm vëmendjen por edhe debatin publik. Këtë vit synimet janë akoma më të mëdha ndërsa shtëpia është më mbresëlënëse. Prej datës 13 Janar në Top Channel ka nisur edicioni i tretë i “Big Brother VIP 3”. Një reality show, i cili që në natën e parë të spektakli arriti të gozhdonte para ekranit teleshikuesit dhe rezultoi të ishte mjaft i suksesshëm.
Dita e djeshme ishte edhe ditëlindja e opinionistit Arbër Hajdari, ku spektaklin e sotëm Ledion Lico zbuloi se Arbri prej pak vitesh nuk e feston më ditëlindjen e tij. Arsyeja e kësaj është se një prej fëmijëve që Arbri së bashku me skuadrën e tij të “Fundjavë Ndryshe” ka ndihmuar ka ndërruar jetë për shkak të një sëmundjeje të rëndë. Pas një klipi me disa nga momentet e Arbrit me vajzën e vogël dhe mesazhin nga vëllai i saj. Big Brother VIP solli një tortë me qirinj të ndezur, e më pas opinionisti i fryu. Gjatë kësaj kohe ai ishte i prekur, ndërsa tregoi edhe disa detaje.
Arbri: Jam i sigurt se Elsa tani është në Parajsë. Kishim kaluar shumë gjëra mes njëri-tjetrin dhe për herë të parë kam dashur të tërhiqem nga puna që unë bëja. Ajo u nda nga jeta shumë shpejt në kohën e pandemisë