Ditën e sotme, roli i Ledjonës si lidere e shtëpisë ka përfunduar dhe për këtë arsye një zarf i bardhë ka mbërritur në shtëpinë më të famshme në Shqipëri, përmes të cilit ishte shpjeguar procedura se si banorët duhet të zgjidhnin liderin e ri.
Në zarfin e lexuar nga Juli, thuhej:
“Banorë, ka ardhur momenti për të zgjedhur liderin e radhës. Banorët që kanë dëshirë të bëhen lider, mund të dalin përball banorëve të tjerë dhe duhet të japin arsyen se pse duhet të bëhen lider. Më pas ju duhet të votoni me radhë për të zgjedhur liderin tuaj”.
Ka qenë Sara, Rike, Erjola, Vesa dhe Franceska, vajzat që kanë dalë përball banorëve dhe kanë shpjeguar arsyet se pse dëshirojnë të zgjidhen lidere të ardhshme të shtëpisë.
Me shumicën e votave, ka qenë Rikja ajo që është zgjedhur si lidere e re e shtëpisë së BBV3.