Ish-futbollisti i kombëtares kuqezi, Klodian Duro, ka reaguar ndaj përjashtimit të tij nga Big Brother Vip në edicionin e tretë të tij, pas deklaratave të paprecedentë për dhunën ndaj ish-bashkëshortes dhe kërcënimeve që u ka bërë banorëve.
Duro në reagimin në llogarinë e tij në rrjetin social ‘Facebook’ ka pranuar se deklarata ishte e gabuar dhe se kishte lënë vend për keqinterpretime.
Ai gjithashtu ka kërkuar falje për publikun dhe ka uruar suksese për banorët.
Reagimi i plotë i Klodian Duros:
Unë Klodian Duro ju njoftoj se sot është ndërprerë rrugëtimi im drejt Big Brother VIP.
Arsyeja ishte një deklaratë e gabuar, e nisur si ironi, tani që e shoh më ftohtë dhe që lë vend për keqinterpretim.
Më vjen keq që nuk munda të përcjell mesazhet e duhura në të cilat besoj shumë dhe do të dëshmoja gjatë qëndrimit tim në shtëpinë e Big Brother.
Nje ndjesi shume e sinqerte shkon per publikun dhe i uroj suksese te gjithe banoreve!
Kujtojmë që mbrëmë, pas kryeministrisë, Klodiani në një bisedë me banorët tha: “Kujdes nga unë se kur rrah gruan e di si më dukeni, apo jo? Kujdes!”
“Kurrë vëlla, larg qofsh. Nuk je ti. Nuk je kurrë ti. E di që nuk je ti. Harroje, ndërroje muhabetin, mos e dëgjo më”, iu drejtua Meritoni, por ish-futbollisti. vijoi me deklaratën ku pohoi se ka ushtruar dhunë fizike ndaj bashkëshortes. Big Brother mori menjëherë masat duke e përjashtuar nga gara.
“Banorët gjatë darkës pas emisionit mbrëmë është bërë një deklaratë e rëndë, e papranueshme, e cila bie ndesh me rregullat e programit si dhe me normat e shoqërisë ku jetojmë. Big Brother ka vendosur të skualifikojë menjëherë Klodian Duron. konkursi Big Brother tërheq vëmendjen e të gjithë banorëve që të jenë shumë të kujdesshëm në fjalët dhe veprimet e tyre në lidhje me dhunën”, thuhet në zarfin e Big Brother.