Elvis Myrta, është një nga personazhet që ka shkaktuar më shumë të qeshura në këtë edicion të Big Brother VIP, diçka që ndoshta nuk pritej nga një gazetar i kronikës së zezë.
Batuta apo kërcimet e tij nëpër shtëpi janë bërë jo pak herë virale në rrjet. Një mesazh i veçantë për Lisin, siç njihet tashmë, ka ardhur nga kolegu i tij, Eduart Halili.
Në Fan Club ditën e sotme është transmetuar një video e realizuar nga miku i tij në kryeqytetin e Anglisë, Londër.
“Ky mesazh shkon për mikun tim të mirë, Elvis Myrta. Dua t’i them Lisit se ajo na ka bërë të gjithëve shumë krenarë me mirësinë dhe pozitivitetin që e karakterizon, si dhe batutat që vijnë natyrshëm që do t’i kishte zili çdo aktor. Por Lisi ka një potencial që ende nuk e ka treguar të gjithën, vazhdo kështu dhe ne të duam në finale”, tha në mesazhin e tij gazetari Eduart Halili.