Rreth dy ditë më parë, Megi Pojani ishte në qendër të kritikave pas videos që bëri xhiron e rrjetit ku shfaqej duke u tallur mbi varrin e stërgjyshes së saj.
Videoja solli goxha reagime nga ndjekësit por dhe personazhet publikë të cilët ‘dënonin’ veprimin e moderatores duke e cilësuar si ofendues dhe të pahijshëm.
Mirëpo duket se familjarët e saj nuk e shikojnë si një problem kaq të madh dhe kjo u vu re nga një bisedë që kishte publikuar motra e Megit, Ina në InstaStory. Teksa bisedonin, moderatorja shprehet se e urren një Shqipëri e tërë, ndërsa tezja e saj e kritikon aktoren se nuk kishte përse të kërkonte ndjesë publike.
“Se marr vesh pse ke kërkuar falje. Kujt i vajte te varri? Kush bir k*rve ka të drejtë morale të flas ty se çfarë komunikon me stërgjyshen tënde.”– shkruan ajo.
Kujtojmë se Megi i kërkoi falje të gjithë personave që ishin prekur nga videoja e saj, ndërsa u shpreh se kjo që i ndodhi ishte si një ‘mësim për tu marrë’ pasi tashmë e ka kuptuar ndikimin e madh që ka në publik.
Moderatorja sqaroi dhe njëherë se videoja është filmuar rreth 3 vite më parë dhe nuk e di se kush e ka ripublikuar atë. Sakaq ajo theksoi gjthashtu se kjo është mënyra e saj për të treguar dhimbjen dhe përkujdesin ndaj një familjari që nuk ndodhet më në jetë.