Devis Xherahu është personazhi i parë, i cili ka zbuluar se do të jetë pjesë e sezonit të tretë të “Big Brother VIP”, në Top Channel.
Këngëtari e ka zbuluar këtë teksa ishte i ftuar në emisionin “Më Lër të Flas”, ku i pyetur nga vëllezërit Veshaj nëse do të merrte pjesë, ai tha se do të jetë banor i shtëpisë më të famshmë në Shqipëri, sezonin e ardhshëm.
Ai sfidoi Romeon duke i thënë se nëse do futeshin të dy atëherë Devisi do e fitonte.
“Isha para një muaji, këndova atje, përjetova emocione të 2006-ës, kam qenë në një emision të tillë në Greqi në 2006-ën, dhe doja ti ripërjetoja ato emocione sërish. Por kur më thanë që do jetë edhe Romeo, thashë atëherë e fitoj Big Bortherin”, tha Devisi.