Ish-finalisti i edicionit të dytë të “Big Brother VIP”, Krist Aliaj, ishte ditën e sotme i ftuar në emisionin “Fan Club”, në Top Channel.
Kristi ka komentuar romancën mes Romeo Veshajt dhe Heidi Bacit, duke thënë se nuk beson te kjo lidhje dashurie. Madje u shpreh se i duket sikur është i vetmi që i janë shpifur romancat brenda shtëpisë së “Big Brother VIP”.
“Jam i vetmi apo mua më janë shpifur romancat. Big Brother VIP bashkohet me situatat e Për’puthen. Nuk besoj te lidha e Heidit dhe Romeos, është bërë makineri.
Për mua Heidi më duket një narciste e frikshme që nuk ka lidhje me Romeon. Meshkujt e këtij edicioni janë shumë viktimë, në naivitet e madje edhe në fizik më duken viktimë.
Unë shikoj një italo-shqiptarizëm, këto vajzat që vijnë nga Italia bëhenë më skuthe”, u shpreh ish-banori i shtëpisë më të famshme në Shqipëri.