Një ditë më parë, nisi në Top Channel sezoni i ri i emisionit “E Diell”, i cili erdhi me disa risi. Një ndër to ishte formati më i ri televiziv, “Pa Filtra”, ku si qëllim ka njerëzit e thjeshtë por me ëndrra të mëdha dhe histori frymëzuese apo komike.
Një ndër konkurrentët ishte Aldo, i cili fillimisht u prezantua si një imitues i personazheve të njohura të ekranit. Ai imitoi Ardit Gjebrean dhe Flori Mumajesin dhe juria e “Pa Filtra” nuk është se e pëlqeu aq shumë.
Por pas imitimeve që bëri në studio, Aldo në fund fton pranë tij Erjola Doçin, pasi për të kishte një porosi nga një shok i tij.
Ai nxori unazën duke bërë një gjest tepër romantik. Sipas tij, propozimi për moderatoren e njohur vinte nga një shok, por që e kishte të pamundur të dilte në ekran.
“Kam një shok akademik që të ka fiksim. Nuk kam ardhur kot këtu, kam ardhur për të të propozuar për atë shokun. Të ka ëndërr. Kur të dalësh do t’a takosh. Më tha çoje deri në fund porosinë. Ka mbaruar shkollën e lartë, di 5 gjuhë të huaja, është super. Sa të mbarojë emisioni do të vijë këtu, do takoheni pas kuintave”, tha ai duke treguar unazën nga kamerat.
Erjola e pranoi unazën që e vendosi në gisht dhe tha:
“Akademiku im të pres në puntatën e radhës me zemër në dorë dhe në gisht”.
Për më shumë shikoni videon e mëposhtme: