Një ngjarje e rëndë ka ndodhur në Angli, teksa një gomone më emigrantë të paligjshëm është mbytur në kanalin e La Mansh.
Mësohet se deri më tani janë regjistruar 3 viktima, por pritet që numri të rritet, pasi autoritetet e Mbretërisë së Bashkuar dhe franceze janë në kërkim të trupave të tjerë. Gomonia u përball me dallgë dhe erë të fortë teksa i afrohej bregut britanik, teksa ka dyshime se trafikantët mund ta kenë përmbysur vetë për t’i shpëtuar rojeve bregdetare.
Një total prej 290 personash kanë bërë kalimin e rrezikshëm gjatë javës së kaluar, sipas statistikave nga Ministria britanike e Brendshme, duke e çuar numrin e përgjithshëm këtë vit në 2006 persona.