Dje, kur pritej një sulm i Rusisë pasi kështu ishte paralajmëruar nga Perëndimi, ata tërhoqën një numër të konsiderueshëm trupash me deklaratën se stërvitja që kishin mbaroi.
Kjo sikur qetësoi jo pak ukrainasit vetë por dhe botën që priste në ankth ndonjë lëvizje të radhës.
Megjithatë zyrtarët ukrainas në asnjë moment nuk e kanë ulur vigjilencën. Dhe me sa duket kanë bërë mirë pasi rusët janë kapur duke ndërtuar një urë taktike të fshehtë dhe sekrete përgjatë lumit Pripyat, një lumë kyç në Bjellorusi më pak se 6-7 km nga kufiri ukrainas.
Mediat shkruajnë se Rusia është përgatitur për një sulm të frikshëm.
Pamjet satelitore të publikuar në mediat ukrainase, tregojnë rrugë të reja dhe një urë taktike në lumin Pripyat.
Sipas artikujve të shkruar në portalet ruse, kjo urë shihet si një forcim i trupave ruse për një pushtim të mundshëm. Gjithashtu pamjet satelitore kanë nxjerrë zbuluar edhe njësitë e artilerisë vetëlëvizëse të cilët u kapën duke kryer stërvitje në Bjellorusi. Ura e fshehtë e rusëve zvogëlon ndjeshëm distancën nga qyteti bjellorus i Yampol në kufirin me Ukrainën me rreth 96 km nga 167 km që është.