Një nga lajmet që tërhoqi më shumë vëmendje javën e kaluar në Hollywood ishte fakti se Al Pacino do të bëhet sërish baba, në moshën 82-vjeçare. Siç raportojnë mediat rozë, aktori legjendar dhe partnerja e tij, Noor Alfallah, 29 vjeç, së shpejti do të bëhen prindër, ndërsa Al së fundmi ka folur për herë të parë për pritjen e ëmbël.
Sipas Page Six, ylli i Kumbarit dukej se ishte në formë të mirë, duke thënë: ” Është shumë e veçantë. Unë kam shumë fëmijë. Por kjo është vërtet e veçantë që vjen në këtë kohë.”
Kujtojmë që Pacino është baba i një vajze 33-vjeçare, si dhe ka dy binjakë Olivia dhe Anton, 22 vjeç. Aktori është pyetur edhe për gjininë e foshnjës, të cilën ai tha se nuk e di ende.
Ndërkohë, pak ditë më parë TMZ raportoi se Pacino nuk e besonte se ishte në gjendje të bënte fëmijë dhe po kërkonte prova që ishte babai, duke i kërkuar partneres së tij një test ADN-je, që zbuloi se ai ishte me të vërtetë babai. babai.
Media të ndryshme pohuan gjithashtu se ai dhe 29-vjeçari ishin ndarë disa kohë më parë, por burime konfirmuan sërish për Page Six se ata janë ende çift.