Të tjera detaje janë zbardhur në lidhje me zjarrin që përfshiu pak pas mesnatës një azil privat në Tiranë.
Sipas burimeve, zjarri në mesnatë ra për shkak të një kondicioneri. Flakët përfshinë disa nga dhomat ku ndodheshin të moshuarit, duke i lënë ata të bllokuar për disa minuta. Të moshuarit ngelën të bllokuar deri në momentin kur policia, forcat “Shqiponja” dhe zjarrfikëset i evakuuan nga azili në rrugën “Ali Visha” dhe flakët u shuan.
Katër të moshuarit përfunduan në spital për të marrë ndihmë mjekësorë, por fatmirësisht janë jashtë rrezikut për jetën. Siç duket nga pamjet, zjarri ka shkaktuar dëme në disa dhoma të azilit.