Detaje të reja kanë dalë në dritë në lidhje me vdekjen e vogëlushit në Greqi. Djali 6-vjeçar është mbytur ditën e sotme në ujërat e detit grek pasi është larguar pa lejen e nënës së tij për t’u larë në det.
Një banor aty pranë plazhit e ka parë duke notuar pa ndjenja dhe ka njoftuar ambulancën menjëherë. Edhe pse ambulance mbërriti shpejt djali ishte i pajetë.
Vogëlushi jetonte me familjen e tij vitet e fundit në Arvi. Sipas fqinjëve prindërit e tij punonin në serra dhe ishin njerëz shumë të mirë.
Gjithashtu ata e kanë përshkruar djalin e vogël si një fëmijë të mrekullueshëmplot me energji dhe gëzim. Pak muaj më parë nëna e tij solli në jetë një fëijë të dytë dhe në momëntin që ndodhi tragjedia ajo ishte duke u kujdesur për foshnjen ndërsa babai i tij ishte në punë.
“Çfarëdo që të themi është pak. Jemi të gjithë të shokuar. Në një tragjedi të tillë duhet të heshtim. Përballë zisë, të mos gjykojmë,” tha presidenti i Shoqatës Kulturore të Arvit, Yannis Karpathakis.
Sipas raportimeve nga mediat greke Kryebashkiaku i Viannos ka thënë se fëmija e donte detin dhe nga dëshira për të notuar ka ikur fshehurazi duke iu shpëtuar vëmendjes së prindërve.
Bëhet me dije se [prindërit kanë dhënë deklaratën e tyre në komisariat si ka ndodhur ngjarja.