Në Velipojë këtë mbrëmje janë regjistruar dy të plagosur nga të shtënat me armë zjarri. Dy vëllezër kanë qëlluar mbi dy djem me armë zjarri duke i plagosur rëndë.
Të plagosurit janë Ardis Ishmi dhe Ersid Hoxha, punëtor i një hoteli në zonë.
Të dy ata janë transportuar menjëherë në spitalin e Shkodrës, por kanë ndërruar jetë për shkak të plagëve.
Detaje të reja kanë dalë në dritë në lidhje me ngjarjen e rëndë të ndodhur këtë të hënë në Tiranë,
“Shkak është debati mes dy viktimave dhe pronarëve të hotel Lakaj Eduart dhe Gëzim Frroku. Shkak ka qenë një debat i ndodhur në datën 28 qershor mes kamarierit dhe kuzhinierit në ambientet e këtij lokali”, sipas Policisë.
Njoftimi:
Më datë 19.08.2024, rreth orës 21:00, në Velipojë, dyshohet se për motive të dobëta, dy vëllezërit E.F., dhe G. F., dyshohet se kanë plagosur me armë zjarri shtetasit A. H., dhe E. I, të cilët u transportuaan menjëherë për ndihmë mjekësore në Spitalin Rajonal të Shkodër por si pasojë e plagëve të marra humbën jetën në spital.
Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër, Drejtuesit e Drejtorisë dhe të Komisariatit të Policisë Shkodër, si grupe të Forcës Kombëtare të Sigurisë, Njësia Shkodër. Njëkohësisht është ngritur një grup i posaçëm hetimor i cili ndodhet në vendngjarje dhe po vijon punën intensive në bashkëpunim me Prokurorinë për sigurimin e provave me qëllim dokumentimin ligor të kësaj ngjarjeje.