Detaje të rënda kanë dalë në dritë në lidhje me krimin e rëndë të ndodhur në Shkodër, ku u gjet një trup i pajetë. Trupi u gjet në fshatin Boks ditën e djeshme në një kanal dhe fillimisht u mendua se ishte vdekje natyrale.
Por e vërteta ishte ndryshe, pas këqyrjes së kufomës, rezultoi se shtetasi Musa Bajraktari është vrarë nga fqinji i tij, i cili e ka goditur me sëpatë. Mësohet se autori i dyshuar është arrestuar nga policia vendore e Shkodrës.
Shkaku i vrasjes mendohet të jetë për motive të dobta. Policia po heton për zbardhjen e plotë të ngjarjes.
“Rreth orës 14:25, në kanalin e fshatit Boks, është gjetur trupi i pajetë i shtetasit M. B., 70 vjeç, banues në fshatin Kullaj. Nga këqyrja e trupit të 70-vjeçarit, nuk janë konstatuar shenja dhune. Paraprakisht dyshohet se ky shtetas e ka humbur jetën prej shkaqeve natyrale.”, thuhet në njoftimin e policisë dje.