Detaje të reja kanë dalë në dritë nga ngjarja e rëndë e ndodhur në Dhërmi, ku një 31-vjeçar është ekzekutuar me armë zjarri, por trupi i tij ende nuk është gjetur.
Sipas gazetares së Top Channel, Dorjana Bezat, viktima Eraldo Novruzi dhe autori Gerald Shehu jetonin në Angli dhe konflikti dyshohet për prishje të pazareve të drogës.
Ata ishin miq prej kohësh dhe po planifikonin të bashkëpunonin në biznes, por duket se gjërat kanë shkuar keq.
Krimi i rëndë ka ndodhur pak pas mesnatës së djeshme, ku paraprakisht dyshohet se Shehu e ka marrë peng 31-vjeçarin në hotel duke e rrahur, e më pas e ka qëlluar me plumb duke i marrë jetën.
Alarmi për të u dha nga pronarët e hotelit ku ai punonte recepsionist, pasi nuk mund ta kontaktonin, e po ashtu kanë gjetur gjurmë gjaku në hotel. Ndërkohë, trupi i tij ende nuk është gjetur.
Sa i përket Gerald Shehut, policia kufitare konfirmon se ai është larguar drejt Greqisë, nga pika kufitare e Qafë Botës.