Është zbardhur dëshmia e efektivit Erion Goxhara, për plagosjen në zonën e Komunës së Parisit, pasi u dorëzua në polici.
Ai ka thënë se është ndierë i provokuar, pasi ditën e ngjarjes, Lorenc Kosta i ka kaluar pranë tavolinës ku ai ishte ulur me vajzën e tij. Ai shton se Kosta e ka kërcënuar shpesh duke i thënë se nuk i bën dot gjë, pasi ai mund ta hiqte nga puna. Më pas, ai tregoi edhe rrugën që ndoqi për tu arratisur.
“Ndodhesha tek Komuna e Parisit me time bijë, ishim ulur në një sufllaqe. Para tavolinës sonë kaloi Lorenc Kosta dhe më provokoi. Kaloi dy herë para tavolinës sime. Ai më ngacmonte gjithmonë që përballeshim dhe më thoshte s’më bën dot gjë mua sepse unë të heq nga puna. Në përballjen e fundit nuk durova më dhe e qëllova. Nuk kam dashur ta vras prandaj qëllova poshtë. Pas ngjarjes kam telefonuar tim bir dhe e kam takuar.
Ikëm bashkë me taksi për në Fresk. Aty jam përballur me një polic civil i cili më thirri me emër dhe më tha të qëndroj duke më nxjerrë armën. Unë i thashë më mirë vras veten sesa të dorëzohem dhe jam larguar në drejtim të Dajtit derisa vendosa të vetëdorëzohem.”- ka thënë ai.