Presidenti serb Aleksandër Vuçiç ka mbërritur në Tiranë, për të marrë pjesë në samitin BE-BP.
Ai u prit nga kryeministri Edi Rama, ndërsa theksoi se sot në takim do të diskutohet dhe çështja Kosovë -Serbi.
“Këtu do të kemi një mundësi të themi diçka. Jemi të përkushtuar ndaj dialogu dhe mbetemi të vendosur në rrugëtimin drejt BE, ndërkohë duhet të mbrojmë interesat kombëtare në lidhje me kushtetutën tonë. Nuk po them që nuk jam optimist, por jam realist dhe jam këtu për të mësuar dhe dëgjuar liderët e rajonit dhe BE, dhe në fund për të dhënë mendimin tim. Është e rëndësishme të marrim mbështetjen e BE-së për çështjen e energjisë dhe roaming. Të tjerat nga ato që do të dëgjojmë është dhe strategjia e BE-së për të ardhmen dhe kjo është shumë e rëndësishme. Ne i dimë detyrimet tona, por integriteti territorial i Serbisë është shkelur në mënyrë të tmerrshme në 1999 dhe në 2008”, tha Vuçiç.
Ndërkohë për sa i përket qëndrimit krah Rusisë, Vuçiç tha se Serbia i di detyrat e saj dhe do të mbetet në rrugën drejt BE.
“A keni dëgjuar ndonjë deklaratë optimiste nga unë. Jam vetëm realist, jam këtu të mësoj shumë nga këto njerëz dhe në fund të shpjegoj qëndrimin e Serbisë. Dhe të them lajme të mira për Serbinë. Është e rëndësishme të marrim mbështetje nga BE për Serbinë. Këto janë sinjale të mira. Të tjera nga to që do dëgjojmë është strategjia e BE për të ardhmen është rëndësi e madhe. BE ka kërkuar harmonizim të plotë kundër Rusisë. Por ne jemi të pavarur ne i njohim detyrimet tona me vendimet e BE, po prekemi një situatë ndryshe për territorin e Serbisë që është shkelur në 1999 dhe në 2008. Serbia është shumë pranë Rusisë, është një vend i pavarur. Nëse na kritikojnë se jemi për Serbinë. Keni dëgjuar dhe shkruar se gjatë 9-10 muajve se Serbia po ndjek udhëzimet e Rusisë, për të sulmuar të tjerët në Ballkan për mungesë stabiliteti, por ne e kemi përgënjeshtruar me vepra. Është e lehtë të ekspozosh çdo lloj akuze dhe lajmesh të rremë por Serbia është vend i pavarur dhe do mbetet kështu”.